اون زمونای قدیما(شعر مازندرانی)

به نام خدا

( شعر مازندرانی همراه با تلفظ انگلیسی)

اون زمونای قدیما

 اون زمونای قدیما

اون آدمای با وفا

هنیش بینه رواقه سر

خسه بینه شه کاره سر

تازه چایی افتابه کل

بهار بینه زمینا کل

ورزای پش چو و ازال

لپر و تیل کتنه چال

بچی پلاره خردنه

زنده بینا ای مردنه

گد وشون ای کد خدا

پول و زمین کرده سیوا

بیچارون هی کار کردنه

بینجه کیسه بار کردنه

ناماشونا خسه بینه

مله میون دسه بینه

سمباره بن پلی بینه

مشغول لینگه تلی بینه

تشکله سر زرک پلا

مشغول بینه قند و پلا

تازه کره قد کتنه

تیسابه راره متنه

زمین زوئه تازه وجین

دسه جمی کاره بوین

کمر دلا تب تب عرق

مرز ه بالا لامبوس ورق

چله بییه کرسی سر

شب چره دیه سر به سر

تیکا  ایا مله دله

بمپرسنه تله دله

سنگه پل و اون پله سر

چند تا کیجا افتو به سر

دشته دله اسب و سوار

صواسری و چار بیدار

خرمن زونه چند تا خلال

خردنه روزی حلال

جینگا زنی خسه بینه

بینج و کمل دسه بینه

لمپا وشونه سو بییه

فنر چراغ خو بییه

برف اموئه میسه قاده

وارش امو وه با قاده

اسا گنی کو قدیما

تازه بونی نو و نوا

مدل رب زندی برار

خارجی گپ زندی برار

کئی پلاره یاد نکن

دولبه کلاره یاد نکن

شلوار لی تنگ پوشنی

ایمونه دل ره کوشنی

جوابه سر بالا دیینی

گد و کچیکی ره وا دیینی

قدیمای سختی ره ته

اونای بد بختی ره ته

اتا لحظه شه یاد بیار

اون کتاباره بی بیار

نا که قدیما چی چیه

زرک و چفا چی چیه

مه دل خانه اتا بویم

کمک کنی صد تا بویم

اسا بونه یاد نکنی؟

قدیماره شاد هکنی؟

الان بمو ظبط و سی دی

زبونه مازرون چی تی

بورده فراموش بهییه

فارسی بتن خوش بهییه

اسا گمبه جان مارون

وچه دره شمه میون

فارسی زبونه یاد بدین

مازرونی ره باد ندین

اتا بوین یکی چییه

مستروین و جکی چییه

مواظبه وچه باشین

وشونه هر کجه باشین

اما شما جان پرون

زحمتکش و خسه تنون

وچه ی جا رفق باشین

چپ چپکی تشر ناشین

اسا بورم شه مله سر

شعر بهووم از همه ور

امه مله هسه شلوغ

گد و کچیک گوش زنده بوق

چفته بنه دارنه مله

الیاد بنه دارنه مله

مصدار و تسکندون عجب

زمین دارنه وجب وجب

بیستا پنج تا دارنه شهید

اتا اتا بینه رشید

به راشون فدا بهینه

آسونه سر جا بهینه

آخر سر گمبه برار

مله ره ته هکن قرار

طاهری که بورده بیرون

مشکل دیه ونه میون

***

تلفظ انگلیسی

on zamonaye ghadima

on zamonaye ghadima

on ademaye ba vafa

henish bine revaghe sar

khase bine she kare sar

taze chaee eftabe kel

behar bine zamina kel

verzaye pesh cho vo ezal

apero til katene chal

bechi pelare kherdene

zende bina ay merdene

gade veshon ay kad khoda

pola zamin kerde siva

bicharon hey kar kerdene

binje kise bar kerdene

namashona khase bine

male mion dase bine

sembare ben pali bine

mashghole linge tali bine

tash kalesar zarek pela

mashghol bine ghanda pela

taze kare ghed katene

tisabe rare metene

zamin zoee taze vejin

dase jami kare bavin

kamer dela teb teb aregh

marze bala lambos varegh

chele biye kersiye sar

shab chare daye sar be sar

tika aya male dele

bempersene tale dele

sange pela on pele sar

chand ta kija afto be sar

dashte dele asbo sevar

sevasari vo charbidar

khermen zone chand ta khelal

kerdene roziye helal

jinga zani khase bine

binja kamel dase bine

lampa veshone so biye

fener cheraghe kho biye

barf emoee mise ghade

varesh emo ve ba ghade

esa geni ko ghadima

taze boni no va neva

modele rab zandi berar

khareji gap zandi berar

kaee pelare yad naken

dolabe kelare yad naken

shelvare li tang posheni

imone delre kosheni

jevabe sar bala deeni

gada kechiki re va deeni

ghadimaye sakhti re te

onaye badbakhti re te

ata lahze she yad beeyar

on ketabare bay beeyar

na ke ghadima chi chi ye

zareko chefa chi chi ye

me del khane ata bavim

komek keni sad ta bavim

esa bone yad nakeni?

ghadimare shad hakeni

alan bemo zabta sidi

zebone mazeron chi ti

borde feramosh bahiye

farsi baten khosh bahiye

esa gembe jane maron

vache dare sheme miyon

farsi zebone yad badin

mazeroni re bad nadin

ata bavin yeki chiye

mestervina jaki chiye

movazebe vache bashin

veshone har keje bashin

ama shema jane peron

zahmetkasho khase tanon

vache ye ja rafegh bashin

chap chapeki tasher nashin

esa borem she male sar

shehr bahovem az hame var

ame male hase shologh

gada kechik gosh zande bogh

chafte bene darne male

elyad bene darne male

masdara teskendon ajeb

zamin darne vajeb vajeb

bista panjta darne shahid

ata ata bine rashid

be rashon feda bahine

asone sar ja bahine

akhere sar gembe berar

malere te haken gherar

taheri ke borde biron

moshkel daye vene miyon

***

نوپا - NOPA